I	niciativa para la
R	ecuperación del
I	dioma
N	áhuat

~International

tisentekitikan

pal tikyulkwepat

ne Nawataketzalis

IRIN-International

Yek shiajsi!

Home page Nawat: v The Nawat language v Grammar v Vocabulary v Conversation v Texts v Song Who we are: v IRIN v TIT v IRIN-International Join us! v We need you! v Come in and say hello! v Visitors’ comments v Write to us The Nawat language recovery initiative: v The recovery plan v Nawat goes to school v Inside NNT v Nawat for adults v Linguistic work on Nawat v Other objectives

Shitechpalewi! Nikan tiyawit titaketzat ipanpa ne Nawat. Tinat ka ini se taketzalis ipal ne Shiktal. Ashan welit Nawat anka sejse tzunti takamet wan siwatket, anka maya sejse pual. Te aka kimati yek. Miak yejemet chuletket wan lamatket; ashan nemit tuwan pero nemanha teya nemisket, kwak mikit. Chupi pipilmet wan siwapipilmet nusan mumachtijtiwit Nawat iwan ne inan, ne iteku, ne inoya u ne itatanoy, wan kinekit tekitit pal kiyulkwepat ne tutaketzalis. Ikman sujsul yultuk katka ne Nawataketzalis; muchi welituyat yek. Pero muchiwki inteyek iwan ne Metzali. Miak mikiket. Kitaket ne Metzali ka teya welit taketzat tik Nawat ma te aka kinmikti. Yajika ashan teya welit Nawat miak, wan te aka weli kimati yek ká nakat ka welit Nawat, ika miak te kinekit inat ka welit kwak welit ika majmawit u ishpinawat. Su kiuni muchiwa senpa, yawi tami ne tutaketzalis. Miak Metzali te kinekit taketzat tik Nawat ika inat ka ne Nawat te yek wan nusan ika te kipiat pal takwat wan inat ka ne Nawat te yawi kinmaka takwal nan tumin. Inat sejseyuk ka ká taketza tik Nawat te kimati tatka. Ká ina uni te kimati ka ne kujkunet welit mumachtiat Nawat tik ne tamachtiluyan, wan ka iwan ne Nawataketzalis muchi tejemet tiwelit musenputzuat wan welit tinemit yek. Yajika tiknekit tikitat tay weli muchiwa pal tiktamachtiat ne kujkunet wan se takamet wan siwatket ne Nawat, pal muchi welit tikmatit wan titaketzat Nawat, ika te tiknekit ma tami ne taketzalis. Tik ini iswat, tik ne Inglestaketzalis, weli mumati muchi ipanpa ne Nawataketzalis, ne takamet wan siwatket ka tekitit pal kipalewiat ne taketzalis, wan muchi tay muneki muchiwa. Pero tay tiyawit tikchiwat kineki tumin. Ashan tikpiat chupi tumin ipal ne Nawat wan tay tikpiat te ajsi pal muchiwa muchi tay muneki. Yajika, tik ini iswat, tiyawit tiktajtanit ma techmakakan tumin ká welit wan ma kinpalewikan ká tekitit pal tikyulkwepat ini yektzin taketzalis.

Pots llegir aquesta pàgina en	català.
You can read this page in	English.
Puedes leer esta página en	español.
Orrialde hau	euskaraz	irakur dezakezu.
Podes ler esta páxina en	galego.
Gallwch ddarllen y tudalen yma yn	Gymraeg.
Tiweli tikita ini iswat tik	Nawat.

© 2004 Alan R. King, Monica Ward and IRIN.